پنجاب کے تاریخی شہر بہاولپور میں رات گئے چار زوردار دھماکوں نے پورے ملک کو ہلا کر رکھ دیا۔ ابتدائی اطلاعات کے مطابق یہ دھماکے مختلف مقامات پر کیے گئے، جن میں ممکنہ طور پر بھارت کے ملوث ہونے کے شواہد سامنے آ رہے ہیں۔ سوشل میڈیا پر وائرل ہونے والی ویڈیوز میں دھویں کے بادل، لوگوں کی چیخ و پکار، اور بھاگتے ہوئے شہری واضح طور پر دیکھے جا سکتے ہیں
ان دھماکوں کے فوری بعد خوف و ہراس کی لہر دوڑ گئی، لوگ اپنے گھروں میں محصور ہو گئے۔ سوشل میڈیا پر جنگ کے خدشات اور افواہیں تیزی سے پھیلنے لگیں، جس سے عوامی اضطراب میں مزید اضافہ ہوا
پاکستانی حکام نے واقعے کی شدید مذمت کرتے ہوئے کہا ہے کہ ’’قوم کو دہشت زدہ کرنے کی یہ کوشش کامیاب نہیں ہونے دی جائے گی۔‘‘ وزیرداخلہ اور عسکری ترجمان دونوں نے ان دھماکوں کو ’’دشمن کی بزدلانہ کارروائی‘‘ قرار دیا ہے، اور کہا ہے کہ جواب دینے کے تمام آپشنز زیرغور ہیں